Posts

Showing posts from December, 2017

Tum ne pocha tha na kaisi hoon main

Image
Tum ne pocha tha na kaisi hoon main
Kabhi bhool nahi pao ge aisi hoon main

Mera dard sari duniya Mera hosla bas aik tum

Image
Mera dard sari duniya
Mera hosla bas aik tum

Meri Aankhon Ki Taraf Dekh Meri Baat Samajh

Image
Meri Aankhon Ki Taraf Dekh Meri Baat Samajh  Mujh Se Naraaz Na Ho Tu Mere Halaat Samajh 
Meri Khuwahish Hai Tere Marmaren Rukhsaron ko  Main Har Ek Lamha Nigahon Mein Samaye Rakhon  Teri Aankhen Meri Aankhon k Maqaabil hi Rahein  Main Teri Maang Sitaron se Sajaye Rakhon 
Tujh Se Gham Le k Tujhe De Doon Khushi ki Daulat  Tere Hoonton ko Jila Bakhshe Tabassum Tera  Khoob-Soorat Ho Teri Tarah Meri koi Ghazal  Mere Ash'aar ko Mil Jaaye Tarannum Tera 
Jane kiyon phir Mujhe Duniya ka Khayaal Aata Hai  Jis Mein Farsooda Rawayat ki Zanjeren hain  Jisam Aazaad Hain Hum Sab k Ba-Zaahir Lekin  Qaid Mein Siskiyaan Leti Huwi Taqdiren Hain 
Tu Hai Masoom Na Samjhe Gi Zamaane ka Chalan  Tujh ko Maloom Nahi Hain Yahaan Waalon ke Rawaaj  Main Bataata Hoon Tujhe Mujh Se Dam-e-Aakhir tak  Tujh Ko Milne Nahi De Ga ye Zamaana ye Samaaj 
Is Liye Mujh ko Bhula De Yahi Behtar Hoga  Warna Tere Liye Andesha-e-Ruswaai Hai  Ye Alag Baat Rahoon Ga Main Sukoon se Mahroom  Main Ne Khud Apne Kiye Ki Ye Saza Paa…

Jazbon ko meethi neend sula to nahi liya

Image
Jazbon ko meethi neend sula to nahi liya Phir apna-ap hum ne bhola to nahi liya
Zinda ho tum bhi tark e taluk k bawajod Hum ne bhi apna-aap jala to nahi liya
Woh loat ke jab aaya to kehne laga hamain Aankhon mein koi khawab saja to nahi liya
Kuch manzilein hain aur bhi rah-e-hayat mein Jeevan isi gali mein lota to nahi liya
Arshad bhujhe bujhe se nazar aate ho aaj kal Phir dil ko koi roog laga to nahi liya

Tumhari zaat se aage to rasta hi nahi

Image
Tumhari zaat se aage to rasta hi nahi
Mere safar to yahin peh tamam hote hain

Meri Aankhon Mein Ye Qadmon Ke Nishan To Dekho

Image
Meri Aankhon Mein Ye Qadmon Ke Nishan To Dekho
Kis Taraf Loat Gaya Khawab Mein Aaya Howa Shakhs

Tujh ko diyar e ghear ki ab o hawa pasand

Image
Tujh ko diyar e ghear ki ab o hawa pasand
Main kia karon k mujh ko hai Karbala pasand

Kahin be kinar se ratjage

Image
Kahin be kinar se ratjage Kahin zar nigar se khawab se
Tera kia asool hai zindagi Tujhe kon iska hisab de
Jo bicha sakon tere waste Jo saja sakon tere raste
Meri dastras mein sitare rakh Meri muthiyon mein gulab de
Yeh jo khawishon ka parind hai Ise mosamon se gharz nahin
Yeh urhe ga apni hi mouj mein Ise aab de k saraab de
Tujhe chu liya to bharak uthe Mere jism-o-jaan mein charagh se
Isi aag mein mujhe rakh ker Isi shoulgi ko shabaab de
Kabhi yun bhi to ho, tere rubaru Mein nazar mila k yeh keh sakon
Meri hasraton ko shumar ker Meri khawishon ka hisab de
Teri ik nigah k faiz se Mere kasht-e-harf chamak uthe
Mera lafz lafz ho kehkashan Mujhe aik aisi kitaab de

Rafta rafta hi meri aankh mein utra pani

Image
Rafta rafta hi meri aankh mein utra pani
Rafta rafta ye nazar pheal ke eik jheel hoi

Kuch Visal akhir tak Motbar nahi hote

Image
Kuch Visal akhir tak Motbar nahi hote Saath chalne wale bhi Hamsafar nahi hote
Tu hamari qurbat se kitna hi gureza ho Hum tere thikane se bekhabar nahi hote
Kuch kahe bina aksar bolti hai Khamoshi Ghuftagu ke sab Lamhe Harfgar nahi hote
Kitna khof hota hai shaam ke andhero mein Pooch un parindo se jin ke ghar nahi hote
Umar bhar nahi milta wapsi ka darwaza Aagahi ke zindan mein bam o dar nahi hote

Yeh Kab Kehti Hoon Tum Mere Galay Ka Haar Ho Jao

Image
Yeh Kab Kehti Hoon Tum Mere Galay Ka Haar Ho Jao Wahin Se Laut Jana Tum Jahan Se Bezaar Ho Jao
Mulaqaton Main Waqfa Is Liye Hona Zaroori Hai Ke Tum Ik Din Judai Ke Liye Taiyaar Ho Jao
Bohat Jald Samajh Main Anay Lagte Ho Zamane Ko Bohat Aasan Ho Thore Bohat Dushwaar Ho Jao
Balaa Ki Dhoop Se Aayi Hoon Mera Haal To Dekho Bas Ab Aesa Karo Ke Tum Saaya-E-Deewaar Ho Jao
Abhi Parrhne Ke Din Hain Likh Bhi Lena Haal-E-Dil Apna Magar Likhna Tabhi Jab Laayeq-E-Izhaar Ho Jao

Woh samajhta hai mere waste aankhein nam hain

Image
Woh samajhta hai mere waste aankhein nam hain
Use kehna teri jaan ko lakhon ghum hain

Pyaar Lafzon Mein Kahan

Image
pyar lafzon mein kahan in hindi pyar lafzon mein kahan full drama pyar lafzon mein kahan all episode pyar lafzon mein kahan serial pyaar lafzon mein kahan all episodes pyar lafzon mein kahan wiki pyar lafzon mein kahan episode pyar lafzon mein kahan on filmazia
Pyaar Lafzon Mein Kahan
Tu hi hai mera janoon Tu hi hai mera sakoon Tu hai mere mann ki justiju 
Qasme waade tere Saare sang hain mere Tu hai mere dil ki aarzoo
Meri jaan main ne tujhe hi Rab se maanga Teri judaai seh na paon Tu hai mere jeene ki wajah
Tu hi hai mera sahaara Tere bina ab reh na paon Tu hai mere jeene ki wajah
Sach Hai Pyaar Lafzon Mein Kahan
Yaadon mein tu hai Tu hi meri saanson mein hai Sapnon mein tu hai Tu hi meri baaton mein hai Aankhon mein tu hai Tu hi mere khawabon mein hai Tu mere dil ke sawalon ke jawabon mein
Sach Hai Pyaar Lafzon Mein Kahan
Pyaar Lafzon Mein Kahan Episode 1 Pyaar Lafzon Mein Kahan Episode 2 Pyaar Lafzon Mein Kahan Episode 3 Pyaar Lafzon Mein Kahan Episode 4 Pyaar Lafzon Mein Kahan Epi…

Kisi ka lams kahan ab nishan chore ga

Image
Kisi ka lams kahan ab nishan chore ga Chala ke teer wo apni kamaan tore ga
Ho ae shehar se jis ko khof aata hai Woh kaise gaon ka kacha makaan chore ga 
Hazaar is k paron ko kutar k dekho tum Parinda fikar kahan ab urran chore ga
Main janti hi nahi thi sadaqaton ka Aameen Mere khilaf hi jhote bayan chore ga
Main tujh se mil ke bhi bichri hoi rahon gi ab Ye tera hijr kahan meri jaan chore ga
Ye shiddatein bhi to aksar farab deti hain Mera janoon hi mujhe benishan chore ga
Tawakouat ka aalam ajeeb tha mujh mein Kahan tak woh mujhe badguman chore ga
Rubab Dour sahi par yaqeen e muhkam hai Mujhe kabhi na Woh besaiban chore ga

Apne sab yaar kaam kar rahe hain

Image
Apne sab yaar kaam kar rahe hain Aur hum hain ke naam kar rahe hain
Tegh-baazi ka shauq apni jagah Aap to qatl-e-aam kar rahe hain
Daad-o-tehseen ka yeh shor hai kyun Hum to khud se kalaam kar rahe hain
Hum hain masroof-e-intizaam magar Jaane kya intizaam kar rahe hain
Hai woh bechaargi ka haal ke hum Har kisi ko salaam kar rahe hain
Aik qataala chahiye hum ko Hum yeh elaan-e-aam kar rahe hain
Na uthe aah ka dhuaan bhi ke woh Ku-e-dil main khiraam kar rahe hain
Us ke honton pe rakh ke hont apne Baat hi hum tamaam kar rahe hain
Hum ajab hain ke us ke kuchay main Be-sabab dhoom-dhaam kar rahe hain

Akhri bar mil rahi ho kya

Image
Gahe gahe bas ab yehi ho kya Tum se mil kar bahot khushi ho kya
Mil rahi ho bary tapak ke sath Mujh ko yaksar bhula chuki ho kya
Yaad hein ab bhi apne khawab tumhen Mujh se mil kar udaas ho kya
Bas mujhe yon hi khyal aaya Sochti ho to sochti ho kya
Ab meri koi zindagi hi nahin Ab bhi tum meri zindagi ho kya
Kya kaha ishq javidani hai Akhri bar mil rahi ho kya
Mery sab tanz be asar hi rahe Tum bahot door ja chuki ho kya
Dil mein soz-e-intezar nahin Sham-e-ummeed bujh gai ho kya

Haalat-E-Haal Ke Sabab, Haalat-E-Haal Hi Gayi

Image
Haalat-E-Haal Ke Sabab, Haalat-E-Haal Hi Gayi Shauq Mein Kuch Nahin Gaya. Shauq Ki Zindagi Gayi
Tera Firaaq Jaan-E-Jaan, Aish Tha Kya Mere Liye Yani Tere Firaaq Mein, Khoob Sharaab Pee Gayi
Tere Wisaal Ke Liye, Apne Kamaal Ke Liye Haalat-E-Dil Ke! Thi Kharaab, Aur Kharaab Ki Gayi
Ek Hi Haadisa To Hai, Aur Woh Yeh Ke Aaj Tak Baat Nahin Kahi Gayi, Baat Nahin Suni Gayi
Bad Bhi Tere Jaan-E-Jaan, Dil Mein Raha Ajab Samaan Yaad Rahi Teri Yahaan, Phir Teri Yaad Bhi Gayi
Us Ke Badan Ko Dee Numoo, Hum Ne Sukhan Mein Aur Phir Us Ke Badan Ke Waaste, Ek Qaba Bhi See Gayi
Meena-Ba-Meena, Mai-Ba-Mai, Jam-Ba-Jaam Naaf Peyaale Ki Tere, Yaad Ajab Sahi Gayi
Kehni Hai Mujh Ko Ek Baat, Aap Se, Ya’ni Aap Se Aap Ke Shehr-E-Wasl Mein, Lazzat-E-Hijr Bhi Gayi
Sehn-E-Khayaal-E-Yaar Mein, Ki Na Basar Shab-E-Firaaq Jab Se Woh Chaand Na Gaya, Jab Sey Woh Chaandni Gayi

Tumhara Hijar Mana Lon Agar Ijazat Ho

Image
Tumhara Hijar Mana Lon Agar Ijazat Ho Mein Dil Kisi Se Laga Lon Agar Ijazat Ho
Tumhare Bad Bhala Kia Hai Wada-O-Paiman Bas Apna Waqt Ganwa Lon Agar Ijazat Ho
Tumhari Hijar Ki Shab HayeKar Mein Jana Koi Charagh Jala Lon Agar Ijazat Ho
Janoon Wohi Hai Wohi Main Magar Hai Shehr Niya Yahan Bhi Shoor Macha Lon Agar Ijazat Ho
Kaisi Hai Khawahish Marham Gire K Magar Phir Bhi Main Apne Zakham Dekha Lon Agar Ijazat Ho
Tumhari Yaad Mein Jeene Ki Aarzo Hai Abhi Kuch Apna Haal Sanbhalon Agar Ijazat Ho

Zabt kar ke hansi ko bhool geya

Image
Zabt kar ke hansi ko bhool geya Main to us zakhm hi ko bhool geya Zaat-dar-zaat hamsafar reh kar Ajnabi ajnabi ko bhool geya
Subh tak vajh-e-jaan-kani thi jo baat Main usay shaam hi ko bhool geya Ehd-e-vabastagi guzaar ke main Vajh-e-wabastagi ko bhool geya
Sab daleelen to mujhe ko yaad rahin Behss kya thi ussi ko bhool geya Kyun na ho naaz is zehaanat par Ek main har kisi ko bhool geya
Sab se pur-amn waqiya hai yeh Aadmi aadmi ko bhool geya Qehqaha maarte hi deewana Har gham-e-zindagi ko bhool geya
Kya qayamat hui agar aik shakhs Apni khush-qismati ko bhool geya Sab buray mujh ko yaad rehte hain Jo bhalaa tha usi ko bhool geya
Us se waada to kar liya lekin Apni kam-fursati ko bhool geya Bastiyo ab to rasta dedo Ab to main us gali ko bhool geya
Us ne goya mujhi ko yaad rakha Main bhi goya usi ko bhool geya Yaani tum woh ho waqeyi. Hadh hai Main to sach-much sabhi ko bhool geya
Ab to har baat yaad rehti hai Ghaliban main kisi ko bhool geya Us ki khushiyon se jalne wala Jaun Apni Eza-d…

Koi Halat Nahi Ye Halat Hai

Image
Koi Halat Nahi Ye Halat Hai Ye To Ashob Nak Soorat Hai Anjuman Mein Ye Meri Khamoshi Burdbar Nahi Hai Wehshat Hai
Tanz Peraya Tabassum Mein Is Takalluf Ki Kya Zarurat Hai Tujh Se Ye Gah Gah Ka Shikwa Jab Talak Hai Basa Ghanimat Hai
Garam Joshi Or Is Qadar Kya Baat Kyt Tumhen Mujh Se Kuch Shikayat Hai Tu Bhi Ae Shakhs Kya Kare Aakhir Mujh Ko Sar Phorne Ki Adat Hai
Ab Nikal Aao Apne Andar Se Ghar Mein Saman Ki Zarurat Hai Hum Ne Jana To Hum Ne Ye Jana Jo Nahi Hai Wo Khubsoorat Hai
Khwahishen Dil Ka Saath Chor Gayin Ye Aziyat Bari Aziyat Hai Log Masroof Jante Hain Mujhe Yaan Mera Gham Hi Meri Fursat Hai
Aaj Ka Din Bhi Aesh Se Guzra Sar Se Paa Tak Badan Salamat Hai

Zindagi kis tarha basar hogi

Image
Sar hi ab phoriye nadamat mein Neend aane lagi hai furqat mein
Hain daleelen teray khilaaf magar sochta hun teri himayat mein
Rooh ne ishq ka fareeb diya jism ko jism ki adawat mein
Ishq ko darmyaan na laao ke mein Cheekhta hun badan ki usrat mein
Ab faqat aadaton ki warzish hai Rooh shaamil nahi shikayat mein
Apne hujray ka kya bayaaN ke yahan khoon thooka gaya shararat mein
Woh khala hai ke sochta hun mein Us se kya guftugoo ho khalwat mein
Yeh kuchh asaan to Nahin hai ke hum RooThty ab bhi hain murawat mein
Woh jo taameer hony wali thi Lag gai aag us imarat mein
Zindagi kis tarha basar hogi Dil Nahi lag Raha Mohabbat mein

Umar Guzregi Imtihan Mein Kya

Image
Umar Guzregi Imtihan Mein Kya Daagh Hi Denge Mujh Ko Daan Mein Kya
Meri Har Baat Be Asar Hi Rahi Nuqs Hai Kuch Mere Bayan Mein Kya
Mujh Ko To Koi Tokta Bhi Nahin Yehi Hota Hai Khandan Mein Kya
Apni Mehroomiyan Chupate Hain Hum Gharibon Ki Aan Ban Mein Kya
Khud Ko Jana Juda Zamane Se Agaya Tha Mere Gumaan Mein Kya
Yoon Jo Takta Hai Aasman Ko Tu Koi Rehta Hai Aasman Mein Kya
Hai Naseem e Bahar Gard Alood Khak Urti Hai Us Makan Mein Kya
Ye Mujhe Chen Kyun Nahi Parta Ek Hi Shakhs Tha Jahan Mein Kya
Sham Hi Se Dukan e Deed Hai Band Nahin Nuqsan Tak Dukan Mein Kya
Ae Mere Subah o Sham Dil Ki Shafaq Tu Nahati Hai Ab Bhi Baan Mein Kya
Bolte Kyun Nahi Mere Haq Mein Aable Par Gaye Zaban Mein Kya
Khamoshi Keh Rahi Hai Kaan Mein Kya Araha Hai Mere Gumaan Mein Kya
Dil Ko Aate Hain Jis Ke Dhiyaan Boht Khud Bhi Aata Hai Apne Dhiyaan Mein Kya
Wo Mile To Ye Puchna Hai Mujhe Ab Bhi Hun Main Teri Amaan Mein Kya

Aaj Kisi Ne Dil Tora To Hum Ko jaise dhiyan Aaya

Image
ab kia soche kia hona hai jo hoga acha ho ga
pehle socha hota pagal  ab rone se kia hoga
yaar se ghum keh kar to khush ho lekin tum yeh kia jano tum dil ka rona rote the wo dil mein hansta hoga
Aaj Kisi Ne Dil Tora To Hum Ko jaise dhiyan Aaya
Jis Ka Dil Hum Ne Tora Tha Wo Jane Kaisa Ho Ga 
mere kuch pal mujh ko de do baki sare din logo tum jaisa jaisa kehte ho sab wesa wesa hoga

Buhut Hi Kam Nazar Aaya Mujhe Ikhlaas Logon Mein

Image
Buhut Hi Kam Nazar Aaya Mujhe Ikhlaas Logon Mein 
Yeh Daulat Bat Gayi Shaayad Buhut Hi Khaas Logon Mein

Abhi Kuch Roz Baqi Hain December Beet Jane Mein

Image
Abhi Kuch Roz Baqi Hain December Beet Jane Mein Abhi Kuch Waqt Baqi Hai Naya Phir Saal Aane Mein

Chalo Aisa Karen Hum Tum Gile Shikwe Jo Rehte Hain Hamesha Darmiyan Apne  Kiyon Na Khatam Kar Dalen

Naye Wade Nayi Qasmen Nayi Umeed Hum Baandhen Naye Andaz Se Jeewan Ka Ek Ek Rukh Badal Dalen

Dilon Mein Hai Kadorat Jo Hum Us Ko Khatam Kar Dalen

Tum Pocho Aur Main Na Bataon Aise To Halaat Nahi

Image
Tum Pocho Aur Main Na Bataon Aise To Halaat Nahi Aik Zara Sa Dil Toota Hai Aur To Koi Baat Nahi
Kis Ko Khabar Thi Sanwle Badal Bin Barse Urr Jate Hain Sawan Aaya lekin Apni Qismat Mein Barsat Nahi
Toot Gaya Jab Dil To Phir Ye Sans Ka Naghme K Kia Maani Goonj Rahi Hai Kiyon Shehnai Jab Koi Barat Nahi
Ghum K Andhere Mein Tujh Ko Apne Sathi Kiyon Samjhon Tu Phir Tu Hai Mera To Saya Bhi Mere Sath Nahi
Mana Jeewan Mein Aurat Aik Bar Mohabbat Karti Hai Lekin Mujh Ko Ye Bata De Kia Tu Aurat Zaat Nahi
Khatam Howa Mera Afsana Ab Ye Aansoo Ponch Bhi Lo Jis Mein Koi Taara Chamke Aaj Ki Raat Wo Raat Nahi
Mere Gumgeen Hone Par Ahbab Hain Youn Hairan Qateel  Jaise Main Pathar Hon Mere Seene Mein Jazbat Nahi

Jahan Phoolon Ko Khilna Tha Wahin Khilte To Acha Tha

Image
Jahan Phoolon Ko Khilna Tha Wahin Khilte To Acha Tha Tum Hi Ko Hum Ne Chaha Tha Tum Hi Milte To Acha Tha
Koi Aa Kar Hamein Pooche Tumhein Kaise Bhulaya Hai Tumhare Khat Ko Ashkon Se Shab E Gham Mein Jalaya Hai
Hazaron Zakham Aise Hain Agar Silte To Acha Tha Tum Hi Ko Hum Ne Chaha Tha Tum Hi Milte To Acha Tha
Tumhein Jitna Bhulaya Hai Tumhari Yaad Aayi Hai Bahar E Noh Jo Aayi Hai Teri Khushbo Bhi Layi Hai
Tumhare Lab Meri Khatir Agar Hilte To Acha Tha Tum Hi Ko Hum Ne Chaha tha Tum Hi Milte To Acha Tha
Mila Hai Lutf Bhi Hum Ko Haseen Yaadon Ki Jhilmil Mein Kati Hai Zindagi Tum Bin Magar Ek Aas Hai Dil Mein
Agar Aate To Acha Tha. Agar Milte To Acha Tha Tum Hi Ko Hum Ne Chaha Tha Tum Hi Milte To Acha Tha

Dil ko reh reh ke ye andeshe darane lag jayen

Image
Dil ko reh reh ke ye andeshe darane lag jayen Wapsi mein usay mumkin hai zamane lag jayen
So nahi payen to sone ki duayen mangen Neend aane lage to khud ko jagane lag jayen
Uss ko dhondhen usay aik baat batane ke liye Jab woh mil jaaye to woh baat chupane lag jayen
Har december ussi vehshat mein guzaara ke kahin Phir se aankhon main tere khawb na aane lag jayen
Itni takheer se mat mil ke hamein sabar aa jaye Aur phir hum bhi nazar tujh se churane lag jayen
Jeet jaayen gi hawayen ye khabar hote huwe Tez aandhi mein charaghon ko jalane lag jayen