Posts

Showing posts from November, 2017

Kamal E Zabt Ko Khud Bhi To Azmaungi

Image
Kamal E Zabt Ko Khud Bhi To Azmaungi Main Apane Haath Se Us Ki Dulhan Sajaungi
Supurd Kar Ke Use Chaandani Ke Haathon Mein Main Apane Ghar Ke Andheron Mein Laut Aongi
Badan Ke Karb Ko Woh Bhi Samajh Na Payega Main Dil Mein Roungi Aankhon Mein Muskuraungi
Woh Kyaa Gayaa Ke Rafaqat Ke Saare Lutf Gaye Main Kis Se Routh Sakuungi Kise Manaungi
Woh Ek Rishtaa E Benaam Bhi Nahi Lekin Main Ab Bhi Us Ke Ishaaron Pe Sar Jhukaungi
Bichha Diya Tha Gulaabon Ke Saath Apana Wajood Woh So Ke Uthe To Khwaabon Ki Raakh Uthaungi
Ab Us Ka Fan To Kisi Aur Se Manasob Hua Main Kis Ki Nazm Akele Men Gun Gunaungi
Javaz Dhuundh Raha Tha Nai Muhabbat Ka Woh Keh Raha Tha Ke Main Us Ko Bhool Jaungi

Thora thora hi mayassir rahe. kafi hai mujhe

Image
Thora thora hi mayassir rahe. kafi hai mujhe
Wo mera sare ka sara nahi hone wala

Kia shakhs tha k jis ko nahi jeet paye hum

Image
Kia shakhs tha k jis ko nahi jeet paye hum
Kia shakhs tha k hum se jo hara nahi gaya

Kon kehta hai usay dil se nikale howe hain

Image
Kon kehta hai usay dil se nikale howe hain
Eik yehi roog to hum shoq se paley howe hain

Mukammal do he danoo per yeh Tasbeeh e Mohabbat hai

Image
Mukammal do he danoo per yeh Tasbeeh e Mohabbat hai Jo aaye teesra dana ye Dori toot jaati hai
Muqarrar waqat hota Mohabbat ki Namazon ka Adaa jin ki nikl jaye. Qazaa bhi choat jati hai
Mohabbat ki Namazon mein imamat aik ko soanpo Issay taknay. Usay taknay se Niyyat toot jati hai
Mohabbat dil ka Sajda hai jo hai Tauheed per qayem Nazar k Shirk kerne se Mohabbat rooth jati hai

Is duniya ne meri wafa ka kitna uncha mol diya

Image
Is duniya ne meri wafa ka kitna uncha mol diya Payroon mein zanjireen dali hathon mein khaskol diya
Jab bhi ko inaam mila hai mera naam bhi bhool gaye Jab bhi koi ilzaam laga hai mujh par laakar dhol diya
Haath ke chhale paaon ke kaante aankh main aansoo dil ka dard Tune mujhko pyaar main jo bhi tohfa diya anmol diya
Ab ghum aayen khushiyaan aayen maut aaye ya tu aaye Main ne to bas aahat paayi aur darwaza khol diya
Jitna khushi se rishtaa mera utna ghum se naata hai Maine ek mizaan main apna saara dukh sukh tol diya

Ja k doshman se mere dosti pakki kar li

Image
Ja k doshman se mere dosti pakki kar li
Ek hi raat mein bhai ne tarakki kar li

Rahe mehroom hum ye soch kar unchi urahno se

Image
Rahe mehroom hum ye soch kar unchi urahno se Hamare jisam ka parr se taluk toot na jaye
Aata mat kijiyo mujh ko jo main ne tujh se manga hai Mere sar ka tere darr se taluk toot na jaye

Teri Awaz se pathar bhi pighal sakta hai

Image
Teri Awaz se pathar bhi pighal sakta hai Tu wo lamha hai jo sadyon ko nighal sakta hai
Mujh se mat poch mere dil ki lagi ka aalam Mere ashqon se tera haath bhi jal sakta ahi

Teri meri yehi ek pehchan hai

Image
Teri meri yehi ek pehchan hai Main teri jaan hoon tu meri jaan hai
Kia meri jhopri kia ye tera mehal Main bhi mehman hoon tu bhi mehman hain

Roshni ka kuch na kuch imkaan hona chahiye

Image
Roshni ka kuch na kuch imkaan hona chahiye Band kamre mein bhi roshandan hona chahiye
Wo jo anparr hain chalo hewan hain to theek hain Hum paray likho ko to insaan hona chahiye
Hindo muslim chahe jo likha ho mathe par magar Aap k seenay pe hindustan hona chahiye

Deepak jugnu chaand sitaare ek se hain

Image
Deepak jugnu chaand sitaare ek se hain Yani sare dard k mare ek se hain
Darya hoon mein bhed bhao ko kia jano Mere liye to dono kinare ek se hain
Jis k dil mein tu hai Maula us k liye Mandir Masjid Aur Gurdware ek se hain

Phoolon ne diye zakham to kanton se gila kia

Image
Phoolon ne diye zakham to kanton se gila kia Kia karna tha apno ne salok aur kiya kia
Jab haath mein shesha tha na sagar na meena Gar dil nahi toota hai to phir chaan se gira kia
Tum ne jo mehakte howe ye sher kahe hain Phir kocha e jana se koi zakham mila kia
Wo pochte phirte hain mere baray mein sab se Ek mera bhi shayar hai usay tumne suna kia
Chale the aana thi k wo gehrat thi k kia tha Jab farash tha makhmal ka to talwon mein chobha kia

Sheron mein kiraye ka makaan dhond rahe ho

Image
Rone ki saza hai na rulane ki saza hai Ye dard mohabbat ko nibhane ki saza hai
Sheron mein kiraye ka makaan dhond rahe ho Ye gaon ka ghar chor k aane ki saza hai

Maza dekha miyan sach bolne ka

Image
Tarap lein to kasar koi nahi hai Magar us par asar koi nahi hai
Maza dekha miyan sach bolne ka jidhar tum ho udhar koi nahin hai

Aate hain aane do ye toofaan kya le jaayen ge

Image
Aate hain aane do ye toofaan kya le jaayen ge Main to jab darta k mera hausla le jaayen ge
Jis zameen par main khara hoon wo meri pahchaan hai Aap aandhi hain to kya aap mujh ko urh le jaayen ge
Aap bas kirdaar hain apni hade pahchaniye Warna phir ek din kahaani se nikaale jaayenge

Tu samajta hai k rishton ki dhohai denge

Image
Tu samajta hai k rishton ki dhohai denge Hum to wo hai jo tere chahre se dikhai denge
Hum ko mehsos kia jaye hai khushbo ki tarhan Hum koi shorr nahi hain jo sunai denge
Faisla likha howa rakha hai pehle se khilaf Aap kia khaak aadalat mein safai denge

Wo meri peit mein khanjar zaror utare ga

Image
Wo meri peit mein khanjar zaror utare ga
Magar nigha milegi to kaise maray ga

Lagta to bekhabar sa hun lekin khabar mein hoon

Image
Lagta to bekhabar sa hun lekin khabar mein hoon Teri nazar main hoon to main sab ki nazar mein hoon
Manzil ki wo kahin jinhe manzil ki ho talab Mujh ko yehi bohat hai teri rehguzar mein hoon

Haadso ki zad pe hain to kya muskurana chor dein

Image
Haadso ki zad pe hain to kya muskurana chor dein Zalzalon ke khauf se kya ghar banana chor dein
Tumne mere ghar na aane ki Qasam khaayi to hai Aansuyo se bhi kaho aankho mein aana chor dein
pyaar ke dushman ek baar pyaar se keh k to dekh Aik tera dar hi kya hum to zamaana chor dein
Dard mandi k sabhi rishte dhare reh jayenge Aansuyo ka bojh agar palken uthaana chor dein
Baarishen deewar dho dene ki aadi hain to kya Is khauf se hum tera chehra banana chor dein

Mujh ko gunahgar kehe aur saza na de

Image
Mujh ko gunahgar kehe aur saza na de
Itna bhi iktiyar kisi ko khuda na de

Kya dukh hai samandar ko bata bhi nahi sakta

Image
Kya dukh hai samandar ko bata bhi nahi sakta Aansoo ki tarah aankh tak aa bhi nahi sakta
Tu chor raha hai to khata isme teri kya Har shakhs mera saath nibha bhi nahi sakta
Pyase rahe jaate hain zamane ke sawalaat kis k liye zinda hoon bata bhi nahi sakta
Ghar dhoondh rahe hain mera raaton ke pujari MAin hoon ki charaagon ko bhujha bhi nahi sakta
Waise to ek aansoo hi bahaa ke mujhe le jaaye Aese koi toofan hila bhi nahi sakta

Wo Bulayen to kya Tamasha ho

Image
Wo Bulayen to kya Tamasha ho Hum na Jayen to kya Tamasha ho
ye Kinarun se Khelnay walay Doob jayen to kya Tamasha ho
Banda parwar Jo Hum pe Guzri hai Hum batayen to kya Tamasha ho
Aaj Hum bhi Teri Wafaon par Muskurayen to kya Tamasha ho
Teri Surat jo Ittefaq se Hum Bhool jayen to kya Tamasha ho
Waqat ki Chand Saatein Saghar Loat aayen to kya Tamasha ho

Thehri Thehri Si Tabiyat Mein Rawaani Aai

Image
Thehri Thehri Si Tabiyat Mein Rawaani Aai Aaj Phir Yaad Mohabbat Ki Kahaani Aai 
Aaj Phir Neend Ko Aankhoon Se Bicharte Dekha  Aaj Phir Yaad Koi Choat Puraani Aai 
Muddaton Baad Un Pe ChaLa Hamaara Jaado  Muddaton Baad Humain Baat Banani Aai 
Muddaton Baad Pasheman Huwa Darya Hum Par  Muddaton Baad Humain Piyaas Chupaani Aai 
Muddaton Baad KhuLi Wusat e Sehraa Hum Par  Muddaton Baad Humain Khaak Urrani Aai 
Itni Aasani Se Nahi Milti Fun Ki Doalat  Dhal Gai Umer Tu Ghazlon Pe Jawani Aai

Hum Raat Bohat Roye

Image
hum raat bohat roye bohat aah o faghan ki dil dard se bojhal ho to phir neend kahan ki
sir zaano pe rakhe hue kya soch rahi ho kuch baat samajhti ho mohabbat zadgan ki
tum meri taraf daikh k chup ho si gai theen wo saat e khush waqat nishaat guzran ki
ek din ye samajhte thay k payan e tamanna ek raat hai mahtaab k ayyam e jawan ki
ab aur hi auqat hai aay jaan e tamanna hum nala kushan, begunah, ghum zadgan ki
is gher ki khuli chhat pe chamakte hue taaro kehte ho kabhi baat wahan ja k yahan ki
bargashta hua hum se ye mahtaab to piyaro bas baat suni raah chala kehkashan ki

Allah kare Meer ka jannat mein makan ho marhom ne her baat humari hi bayan ki
parhte hain shab o roz isi shakhs ki ghazalen ghazalen k hikayaat hain hum dil zadgan ki
tum charkh e chhaarum k sataye hue logon taaraaj karo zindagiyan ehal e jahan ki
acha humen bante hue mitte hue dekho hum mauj e gurezan hi sahi aab rawan ki
Insha se milo is se na roken ge lekin is se ye mulaqat nikaali hai kahan ki
mashhor hai her baz…

Teri yaad roshni hai

Image
Teri yaad roshni hai mera dil chamak raha hai Tere zikar k golon se mera ghar mehak raha hai
Abhi aas hai Tumhari abhi mein mari nahi hoon Abhi Saans chal rahi hai abhi dil dharak rahai hai
Ussy ye batao Do ghaz hi zameen ka hai wo malik kai kothiyan bana k jo bohat behek raha hai
Na chal itna sar utha kar ye hayat muktasir hai Kahin moat ka farishta teri raha tak raha hai
Tumhi aao to bache ga ye diya mohabbaton ka Jisay tum jala gaye the wo palak jhapak raha hai

Mere Maseeha mein jee uthungi

Image
Mere Maseeha mein jee uthungi duwain de de dawa se pehle Hayat mein noor ban k aa ja ghamon ki kali ghata se pehle
Wo bewafa ho gaya hai phir bhi ussi ki yadoon mein ghom rahon gi Ye kaise bholon k usne mujh se wafa bhi ki hai jafa se pehle
Jo chahte hain madad sabhi se zalil hote hain wo jahan mein Nawazti hai unhi ko duniya jo mangte hain Khuda se pehle
Watan bachane ka waqat hai ye makaan bachane ki fikar choro Mere bhi hathon mein de do parcham mere bhozorgo hina se pehle
Khatayen mujh se hoi hai lekin mujhe yaqeen hai tu bakhsh de ga Main hashar k din pokar lon gi tere karam ko saza se pehle

jo hai naseeb mein wo kham nahi nikalta hai

Image
Jo hai naseeb mein wo kham nahi nikalta hai Hamare dil se tera ghum nahi nikalta hai
Sabhi ki piyas ko aezaz ye nahi milta Sabhi ki aeri se Zamzam nahi nikalta hai
Kahan hai aa ja k main ab sakoon se marr to sakun Tere bagair mere dam nahi nikalta hai

Na Haath Thaam Sake Na Pakarr Sake Daaman

Image
Na Haath Thaam Sake Na Pakarr Sake Daaman
Bahut Qareeb Se Utth Kar Chala Gaya Koi

Sukoon naseeb nahi hai mujhe ujaalon mein

Image
Sukoon naseeb nahi hai mujhe ujaalon mein 
Chiraagh le kar andhere talaash karta hoon

Yeh Qafas Hi Mujh Ko Azeez Hai

Image
Yeh Qafas Hi Mujh Ko Azeez Hai Yahan Jee To Loon Ga Qaraar Se  Mujhe Ab Chaman Main Na Le Chalo Main Dara Huwa Hun Bahaar Se 
Ghum E Aashiqi Se Bhi Sakht Tha Gham E Zindagi Ka Maarka  Jo Shikast Khaai To Ro Diya Main Lipat Ke Daaman E Yaar Se 
Main Kis Ka Karun Gila Hai Mera Naseeb Hi BeWafa  Wohi Mujhse Karte Hain Dushmani Jinhen Dekhta Hun Main Pyar Se

Mere lafzon se na kar mere kirdaar ka faisla

Image
Mere lafzon se na kar mere kirdaar ka faisla
Tera wajood mit jayega meri haqeeqat dhondte dhondte

Meri ummeed mera pyar meri aas raho

Image
Meri ummeed mera pyar meri aas raho Tum mujhe chor k mat jao mere pas raho
Rozi roti k liye apna watan mat choro Jis ko seecha hai laho de k wo chaman mat choro
Ja k pardes mein chahat ko taras jao ge Aesi beloas mohabbat ko taras jao ge
Phool pardes mein chahat ka nahi khilta hai Eid k din bhi gale koi nahi milta hai
Main kabhi tum se karon gi na koi farmaish Aesh o aaraam ki jagegi na dil mein khowaish
Fatima bibi ki bandhi hon bharosa rakho Main tumhare liye jeeti hon bharosa rakho
Lakh dukh dard ho hans hans k guzar kar longi Peat par band kar pathar bhi basar kar longi
Tum agar jao ge pardes saja kar sapna Aur jab aao ge chamka k muqadar apna
Mere chere ki chamak khakh mein mil jaye gi Meri zulfon se ye khushbo bhi nahi aaye gi
Heere aur moti pehen kar bhi na saj paongi Surq jore mein bhi bewa si nazar aaongi
Dard e furqat ghum e tanhai na seh paongi Main akeli kisi surat na reh paongi
Mere dhaman k liye bagh mein kante na chuno Tum ne jane ki agar thanli dil mein to suno
Apne h…

Na Miti Thi Na Miti Hai Na Mitegi URDU

Image
Na Miti Thi Na Miti Hai Na Mite gi URDU Chahne Walon Ke Honton Pe Rahegi URDU
Ye Zaban Wo Hai Jo Mahlon Mein Rahi Aan Ke Sath Aur Mazdoor Ke Ghar Mein Bhi Rahi Shaan Ke Sath
ISHQ Ki Raah Ko Isne Kayi Raahi Bhi Diye Sarhadon Ke Liye Jaanbaz Sipahi Bhi Diye
Jazba e Jung Ko Seenon Mein Jagaya Isne Apne Bharat Ko Ghulami Se Chhraya Isne
Ye Zaban Jaise Usoolon Ki Zaban Lagti Hai Aesi Dilkash Hai K Phoolon Ki Zaban Lagti Hai
Iske Nazdeek Na Hindu Na Musalman Koi Jisne Apnaya Ise Pyar Se Uski Ye Hui
Ye Taassub Ke Andheron Ko Mita Deti Hai Aandhiyon Mein Bhi Chiragh Apna Jala Deti Hai
Ja Ke Shaikh Ki Dahleez PaFan Ban Jaye Poche Mandir Mein To Meera Ka Bhajan Ban Jaye
Ye To Hai Pyar Ki Pooja Ki Ebadat Ki Zaban Ye To Hai Rooh Ki Dharkan Ki Mohabbat Ki Zaban
Is Zaban Ke Liye Seenon Mein Adawat Na Bharo Ye Zaban Pyar Sikhati Hai Ise Pyar Karo
Is mein Hindi Ke Bhi Alfaz Hain Irani Bhi Is mein Geeta Ke Bhi Alfaz Hain Quraani Bhi
Kon Kehta Hai Arab Se Ye Zaban Aayi Hai Aur Is Desh Mein Gairon Ki Z…

Main ne samjha tha k loat aate hain jane wale

Image
Main ne samjha tha k loat aate hain jane wale
Tu ne ja kar to judai meri Qismat kar di

Aaj baad muddat k Main ne usko dekha hei

Image
Aaj baad mudat k Main ne usko daikha hei Woh zara nahi badli Ab bhi apni aankhon mein So sawal rakhti hei Choti choti batoon par Ab bhi khul k hansti hei Ab bhi uske lehjay mein Wohi khankhanahat hei Woh zara nahi badli
Ab bhi uski palkon k Saaye geelay rehte hein Ab bhi uski sochon mein Mera naam rehta hei Ab bhi meri khatir woh Ussi tarah he pagal hei woh zara nahi badli
Aaj baad muddat k  Main ne usko dekha hei Tu mujhe bhi lagta hei Main bhi uski chahat mein Ussi tarah he pagal hon Baad itni mudat k Aur kuch nahi badla JUZ HAMARE RASTON K Aur kuch nahi badla

Mere Qatil Ko Pukaro K Main Zinda Hon Abhi

Image
Mere Qatil Ko Pukaro K Main Zinda Hon Abhi Phir Se Maqtal Ko Sanwaro K Main Zinda Hon Abhi
Ye Shab e Hijar To Sathi Hai Meri Barson Se Jao So Jao Sitaro K Main Zinda Hon Abhi
Ye Preshan Se Gaisu Dekhe Nahi Jate Apni Zulfon Ko Sanwaro K Main Zinda Hon Abhi
Lakh Mojon Mein Ghera Hon Abhi Dooba To Nahi Mujh Ko Sahil Se Pukaro K Main Zinda Hon Abhi
Qabar Se Aaj Bhi MOHSIN Ki Aati Hai Sada Tum Kahan Ho Mere Yaro K Main Zinda Hon Abhi

Kabhi jo Deta tha jaan mujh par

Image
Kabhi jo Deta tha jaan mujh par Usi k dil mein khatak rahi hoon
Zamana bhatka hai teergi mein Main roshni mein bhatak rahi hoon

Hamesha ek doosre k haq mein

Image
Hamesha ek doosre k haq mein Dua karege ye tay howa tha Milein k bichrein magar tumhi se wafa karenge ye tay howa tha
Kahin raho tum kahin rahein hum magar muhabbat rahegi qayam Jo ye khata hai to umar bhar ye khata karenge ye tay howa tha
Udasiyan har ghari hon lekin hayat katon bhari ho lekin Khatoot pholoon ki patiyon par likha karenge ye tay howa tha
Jahan mukaddar milaye ga ab wahan milege ye shart kaisi Jahan mile the wahi hamesa mila karen ge ye tay howa tha
Lipat k ro lege jab milege gham apna apna bayan karege Magar zamane se muskura kar mila karenge ye tay howa tha
Kisi k aanchal mein kho gaye tum batao kyun door ho gaye tum K jaan dekar bhi haq wafa ka Ada karenge ye tay howa tha

Kuch parh k bakhsh dena

Image
Kuch parh k bakhsh dena
Kabhi jo yaad aayen hum

Mujhe Ishq de Apni Zaat ka

Image
Mujhe Ishq de Apni Zaat ka
Mujhe Kun se apne Nawaaz de

Aadat Mujhe Andheron Se Darny Ki Daal Kar

Image
Aadat Mujhe Andheron Se Darny Ki Daal Kar
Aik Shakhs Meri Zindagi Ko Raat Kar Gaya

Meri Qismat mein ghum agar itna tha

Image
Meri Qismat mein ghum agar itna tha
Dil bhi ya Rab bohat diye hote

Jo ujalon mein kho jayein

Image
Jo ujalon mein kho jayein
Taaq raton mein bhi mila nahi karte

Wo saray jahaan ki khushiyan

Image
Wo saray jahaan ki khushiyan
Wo tera mujhe humsafar kehna

Bas yehi soch k har bar manata hon usay

Image
Meri hasrat k janazy ko uthany waly Kitny be dard hain ye log zamany waly
Koi apna nahi matlab ki hai duniya sari Ab kahan milty hain wo yar purany waly
Main dua go hoon sada neendein hon mubarik tujh ko Hijar ka dard mujhe de k jagany waly
Bas yehi soch k har bar manata hon usay Lot k aaty nahi rooth k jany waly
Hamary dil main kabhi jhaank k daikho to sahi Kitny afsurda hain auron ko hansany waly

Jhoot chere pe sajana nahi aaya mujh ko

Image
Jhoot chere pe sajana nahi aaya mujh ko Zindagi tujh ko batana nahi aaya mujh ko
Reh k duniya mein bhi seeki nahi duniya dari Kar k ehsan jatana nahi aaya mujh ko
Duniya theater hai to nakam adakar hoon main Koi kirdar nibhana nahi aaya mujh ko
Eik hi shaks ki khowaish mein raha sarkardan Darbadar khak uraana nahi aaya mujh ko
Lutf to tab tha wo khud karta mohabbat mehsos Keh kar ehsas dilana nahi aaya mujh ko
Kuch to ye dil bhi hai tanhai pasand aur is par Umar bhar dost banana nahi aaya mujh ko
Tu samajta hai main tark e talluk se hoon khush Rothne wale manana nahi aaya mujh ko

Adalat se bache lekin Khuda se bach nahi sakta

Image
Adalat se bache lekin Khuda se bach nahi sakta Koi gustakh e paigambar Saza se bach nahi sakta
Farishta Moat ka eik roz usko dhoond hi le ga Kahin bhi ja k chop jaye Qaza se bach nahi sakta

Khamosh lab hain jhuki hain palkeen

Image
Khamosh lab hain jhuki hain palkeen dilon mein ulfat nayi nayi hai  Abhi takalluf hai guftgoo mein  abhi mohobat nayi nayi hai 
Abhi na aayegi nennd tum ko  abhi na hum ko sukon mile ga  abhi to dharke ka dil zeyada  abhi ye chahat nayi nayi hai 
Bahar ka aaj pahla din hai  chalo chaman mein tehl k aayen  faza mein khushbo nayi nayi hai  gulon pe rangat nayi nayi hai 
Jo khandani raees hain wo  mizaaj rakhte hain narm apna  tumhara lehja bata raha hai  tumhari dolat nayi nayi hai 
zara sa Qudarat ne kya nawaza  aa k baithy ho pehli saff mein  abhi se urrny lagy hawa mein  abhi to shohrat nayi nayi hai