Posts

Showing posts from May, 2017

kabhi aisa bhi tha logo mujhe uski zarorat thi

Image
aqeedat torr aai hoon ebadat chor aai hoon mohabbat mein wafaon ki riwayat chor aai hoon
kisi ne khwab k badle mein hurmat mang li meri main zinda aankh mein marti wo hasrat chor aai hoon
ye aesay zakham the mujh ko jo apni jaan se pyare the inhe rasta hi dekhon gi jaraat chor aai hoon
khudi ko bech deti to musarrat mil gai hoti utha k dard ki ghatri main rahat chor aai hoon
khudaya tu to logo ki tarhan qeemat na le mujh se utha k badnasibi ko main nemat chor aai hoon
lagi thi aag jab dil mein to dhaman ko bachati kia bohat anmol rishton ki bhi qurbat chor aai hoon
utha lai hon khwabon k sabhi tukre mein aanchal mein bas apne khon se likhi ebarat chor aai hoon

kabhi aisa bhi tha logo mujhe uski zarorat thi magar ro ro manane ki wo aadat chor aai hoon

ye dawa to nahi hai wo abad tak mujh ko tarse ga

Image
ye dawa to nahi hai wo abad tak mujh ko tarse ga magar ek waqat aaye ga main usko yaad aaon gi
zara sa rooth jata tha main ro ro k manati thi kisi ko jab manaye ga main usko yaad aaon gi

lehje mein agar ras hoto do bol bohat hain

Image
lehje mein agar ras hoto do bol bohat hain
insan ko rehti hai mohabbat ki zaban yaad

bolo manzoor hai mera ishq

Image
bolo manzoor hai mera ishq
main chai achi bana leti hoon

kabhi mayoos mat hona

Image
Kabhi mayoos mat hona Andhera kitna gehra ho seher ki raah me haail kabhi bhi ho Nahi sakta
sawera hoke rehta hai Kabhi Mayoos mat hona
ummido me samundar mein tlaatum aate rehte hain safeene dobte bhi hain safar Lekin nahi rukta musafir toot jaate hain Magar maanjhi nahi Thakta safar teh hoke rehta hai
Kabhi maoous mt hona Khuda haazir hai nàazir bhi Khuda zaahir hai manzar bhi wahi hai haal se waaqif wahi seeno ke andar bhi musibat ke andhero mein kabhi tum maang kar Dekho tumhari Aankh ke aansu yunhi dhalne nahi dega tumhari aas ki gaagar kabhi girne nahi dega hawa Kitni mukhaalif ho tumhe murne nahi dega
Kabhi mayoos mat Hona Wahan insaf ki chakki zara dhire se chlti hai magar chakki ke paato mein bahot baarik pistaa hai tumhare ek ka badla wahan 70 se zyada hai niyyat tulti hai palro mein amal naape nahi jaate
wahan jo haath uthte hain kabhi khaali nahi aate zara si der lagti hai magar wo deke rehta hai
darida damano ko wo rafu karta hai rehmat se agar kashkol tota ho to wo bhar…

main ne kaha dard hai usne kaha howa kare

Image
main ne kaha dard hai usne kaha howa kare
main ne kaha marr jaon ga usne kaha khuda kare

jane kiyun eik khayal sa aaya

Image
jane kiyun eik khayal sa aaya
hum na hongay to kia kami ho gi

ramzan sabar ka mahina hai

Image
ramzan sabar ka mahina hai
aur
sabar ka badla jannat hai

main apni zaat mein khoi to tujh mein ja nikli

Image
main apni zaat mein khoi to tujh mein ja nikli
tera wajood meri raah guzar mein rehta hai

suno mohabbat karne wale

Image
suno mohabbat karne wale chehra nahi dekha karte
wo dilon mein utra karte hain
aur main ne tumhare dil mein utar kar
Tum Ko Chaha Hai

Khud ko tum se jorr diya

Image
Khud ko tum se jorr diya
Baqi sab rab pe chor diya

Wo jo laakhon mein ek hota hai na,

Image
Wo jo laakhon mein ek hota hai na,
bas mere liye aap wohi ho.

usay khone se darti thi

Image
usay khone se darti thi bohat rone se darti thi
phir eik din ye samajh aaya k roya unko jata hai jo bichar jaye muqaddar se
k khoya inko jata hai jo hasil ho moyasar hon
jo danista bichar jaye usay roya nahi karte
jisay paya nahi ab tak usay khoya nahi karte

bohat waqat k bad usne mujhe message kia

Image
bohat waqat k bad usne mujhe message kia aur birthday wish kia aur pocha kaise ho.?
main ne jawab mei likha theek nahi hoon
bhala tumhare bina kaise theek reh sakta hoon tum se hi zindagi mei kuch khushiyan thi jo ab nahi hain
becheen rehta hoon udas rehta hoon raat dair tak jagta rehta hoon tum bin kahin dil nahi lagta tumhain kia kia bataon
bas itna sun lo... k main theek hoon
main kuch dair ko roka aur phir message mei likhe ye saray alfaz khatam kar diye
aur jawab likha
haan main theek hoon khush hoon

aankh jo aaj phir teri nam hai

Image
aankh jo aaj phir teri nam hai ye main hoon ya koi naya ghum hai
zakham ab tak hain kyun haray tere tum to kehte the waqat marham hai
umar thori hai is musafat ko fasla do qadam se go kam hai
bad muddat pata laga tum the main to samjha k jo gaya daam hai
tum jo hote to phir dawa bante ab yahan kon ibn e mariyam hai
meherban thi hayat tere tak bad tere wo mujh py bharham hai

Dil Ke Madfan Pe Nahi Koi Bhi Rony Wala

Image
Dil Ke Madfan Pe Nahi Koi Bhi Rony Wala
Apni Dargaah Ke Hum Khud Hi Mujawar Tehray

main aksar sham dhalne se larazta is liye bhi hoon

Image
main aksar sham dhalne se.. larazta is liye bhi hoon 
afaq par dhobta manzar.. mera anjam lagta hai

tujhe pala. tujhe posa. tujhe paida kia main ne

Image
tujhe pala. tujhe posa. tujhe paida kia main ne mujhe phir maa bolane mein tujhe kyun sharam aati hai
wo jitna farz tha mera. wo sab pora kia main ne mera haq ab dilane mein tujhe kyun sharam aati hai
kabhi ho ga galat bhi kuch jo tujh ko keh diya ho ga isay bas bhol jane mein tujhe kyun sharam aati hai
bohat rishte hain tere ab. magar maa. maa hi hoti hai taruf ye karane mein tujhe kyun sharam aati hai
bohat jahil hai teri maa. tujhe kabil banaya par jahan ko sach batane mein tujhe kyun sharam aati hai
bohat weraan hai ye dil. bohat benoor hain aankhein zara surat dikhane mein. tujhe kyun sharam aati hai
tere qadmon tale duniya. mere qadmon tale jannat to ghar  jannat ye lane mein tujhe kyun sharam aati hai

Kabhi Na Hathon Se Hath Chhoote KhayaL Rakhna!

Image
Kabhi Na Hathon Se Hath Chhoote KhayaL Rakhna!  Kabhi Na Chahat Ka Maan Toote KhayaL Rakhna! 
Bacha Ke Rakhna Mohabbat Ko Sazishon Se!  Wafa Ki DoLat Jafa Na Loote KhayaL Rakhna! 
Jo Ho Mohabbat To ranjishon Se Gurez Kairna!  Kisi Ka Nazuk Sa DiL Na Toote KhayaL Rakhna.

kiya ye bohat nahi k.. teri yaad k charagh

Image
kiya ye bohat nahi k.. teri yaad k charagh
itne jale k mujh mein.. aandhere nahi rehe

Aap Idar Aaye Udhar Deen Aur Emaan Gaya,

Image
Aap Idar Aaye Udhar Deen Aur Emaan Geya,
Eid Ka Chaand Nazar Aaya To Ramzaan Geya.

Barish aur mohabbat dono hi bohat yaadgar hote hain

Image
Barish aur mohabbat dono hi bohat yaadgar hote hain,
Farq sirf itna hai,
Barish main jism bheeg jata hai aur mohabbat main Aankhain.

ye bhi sach hai k in k dard sambhale na gaye

Image
ye bhi sach hai k in k dard sambhale na gaye
phir bhi kuch log kabhi dil se nikale na gaye

Hamein Pasand Sahi, Ab Ye Rang Mat Pehno

Image
Hamein Pasand Sahi, Ab Ye Rang Mat Pehno. Paraaye Tan Pay, Meri Umang Mat Pehno.
hamari rooh py parhti hain.. badnuma sikhne libas pehno... magar itna tang mat pehno
hamare sath zamana bhi chal paray na kahin tum apne paon mein.. ye jaltarang mat pehno
aana chamakne na de gi tumhain kisi rut mein tum aaina ho meri jaan.. ye zang mat pehno
faza parast hai wo.. is se kia kahein Asim k laal aurh lo.. aur sabz rang mat pehno

jab mobilink warid eik ho sakte hain

Image
jab mobilink warid eik ho sakte hain
to main aur tum kyun nahi

sham k sar par aanchal dekha

Image
sham k sar par aanchal dekha hum ne jalta jhangal dekha
apni aankhon mein aanso aaye unki aankh mein kajal dekha
phool nazar mein rakhsan rakhsan jane kis ka aanchal dekha
maan k ban mein khaak urhti thi aaj wahan par jalthal dekha
jab bhi dekha Mohsin ko tere pyar mein pagal dekha

Taluq Rakh Liya Baqi Yaqeen Tor Aya Hon,

Image
Taluq Rakh Liya Baqi Yaqeen Tor Aya Hon, Kisi Ka Sath Dena Tha Kisi Ko Chor Aya Hon.
Tumhary Sath Jeenay Ki Qasam Khany Se Kuch Pehly, Mein Kuch Waday Kai Qasmain Kahin Per Torr Aya Hon.
Mohabbat Kaanch Ka Zindaan Thi Yun Sang e Giraan Kab Thi, Jahan Sir Phorr Sakta Tha Wahin Sir Phorr Aya Hon.
Palat Kar Aa Gaya Laikin Yun Lagta Hai K Apna Aap, Jahan Tum Mujh Se Bicchray Thay Wahin Rakh Chor Aya Hon.
Usay Janay Ki Jaldi Thi So Mein Ankhon Hi Ankhon Mein, Jahan Tak Chor Sakta Tha Wahin Tak Chor Aya Hon.

Hum eik jaise ziddi hain, aur jante hain,

Image
Hum eik jaise ziddi hain, aur jante hain,
bichar gaye to kabhi rabta nahi hona,

Aisa Bichra K Mila Hi Nahi Phir Us Ka Pata.

Image
Aisa Bichra K Mila Hi Nahi Phir Us Ka Pata.
Haye Wo Shakhs Jo Aksar Mujhe Yaad Aata Hai.

Nazar ka Chain Dil ka Suroor hoty hen,

Image
Nazar ka Chain Dil ka Suroor hoty hen, Kuch Aisy Log Jahan me Zarur hoty hen,
Sada Chamkta rahy Unki Eid ka Tehwaar, Qareeb Reh ker bhi Hum se Door hoty hen,

Gile shikwe mittaa kar muskurao, eid ka din hai,

Image
Gile shikwe mittaa kar muskurao, eid ka din hai,
Purani ranjishon ko bhool jao, eid ka din hai.

Pata hai mujhe Ye Barishay kyun pasand hain.

Image
Pata hai mujhe Ye Barishay kyun pasand hain.
Ye Barasti hain Udaas logo ki Tarha.

Kabhi Hum Bheegte Hain Chahaton Ki Taiz Baarish Mein

Image
Kabhi Hum Bheegte Hain Chahaton Ki Taiz Baarish Mein
Kabhi Barson Nahin Milte Kisi Halki Se Ranjish Mein

Jab bhi hansne ke zamaane aaye

Image
Jab bhi hansne ke zamaane aaye Zakhm phir yaad puraane aaye
Baar-ha unko manaaya to hamein RooTh jaane ke bahaane aaye
Phir mujhe toot ke chaaha usne Phir bichhaRne ke zamaane aaye
Muskuraa kar hamein milne waale Zindagi bhar ko rulaane aaye
Kitni mahroom thiN neendein unki Khaab bhi jin ko jagaane aaye
Teri chahat ne Thaharne na diya Raah mein kitne thikaane aaye
Tu nahi hai to hawa ka jhoNka Ghar ki zanjeer hilaane aaye
Dil bujhaa hai na jale hain kheeme Aap kyuN jashn manaane aaye
Isi ummeed pe jaago yaaro! Ab woh kis waqt na jaane aaye
Raas aaya jinhein sehra ‘Muhsin’ Unki qismat mein khazaane aaye

Ratjagay hoN K bhar poor neeNdein musalsal use dekhna

Image
Ratjagay hoN K bharpoor neeNdein musalsal use dekhna Wo jo aNkhoN mein hai aur aaNkhon se ojhal use dekhna
Is kaRi dhoop mein dil tapakte hain aur baam par woh nahi Kal naye mausamoN mein jab aayeNge baadal use dekha
Wo jo khushbu bhi hai aur jugnu bhi hai aur aaNsu bhi hai Jab hawa gunguaanyegi, naache ga jangal use dekhna
Jo hawaoN mein hai aur fezaoN mein hai aur duaoN mein hai Koi phailaaye daaman, K lahraaye aaNchal use dekhna
Shairi mein bhi us jaan-e-jaaN ka saraapa samaata nahi Aur aaNkhoN ki dereena khaahish!! mukammal use dekhna
Yeh bhi kya sochnaa hai K har waqt naadaaN use sochna Yeh bhi kya dekhna hai K har samt paagal use dekhna
Shaam-e-wada sahi, dukh zeyada sahi, phir bhi dekho ‘Faraz’ Aaj shab uski furqat mein kah lo ghazal, kal use dekhna

Safar ke baad bhi, zauq-e-safar na rah jaaye

Image
Safar ke baad bhi, zauq-e-safar na rah jaaye Khyal-o-khaab mein ab ke bhi ghar na rah jaaye
Main sochtaa huN bahut zindagii ke baaray meiN Yeh zindagii bhi mujhe soch kar na rah jaaye
Bas ek khauf mein  hotii hai har sehar merii Nishaan-e-khaab kahiN aaNkh par na rah jaaye
Yeh be-hisi thi to meri zid thi mere ajzaa se K mujh mein apne ta’aaqub ka dar na rah jaaye
Hawaay-e-shaam!! teraa raQs naaguziir sahi Yeh meri khaak tere jism per na rah jaaye
Usi ki shakl liya chaahti hai khaak merii So shahr-e-jaaN mein koi kuza-gar na rah jaaye
Guzar gayaa ho agar qaafila to dekh aao Pas-e-ghubaar kisi ki nazar na rah jaaye
Main aek or khaRa hun hisaar-e-duniya ke Wo jis ki zid mein khaRa huN udhar na rah jaaye

Kisi ko ghar se nikalte hi mil gayi manzil

Image
Kisi ko ghar se nikalte hi mil gayi manzil,
Koi hamari tarah umar bhar safar mein raha.

Kya wasl ki saa’at ko tarasne ke liye tha

Image
Kya wasl ki saa’at ko tarasne ke liye tha Dil, shahr-e-tamanna tere basne ke liye tha
Sehra mein bagooloN ki tarah naach raha hun Fitrat se maiN baadal tha barasne ke liye tha
Rotee hui ek bheeR mere gird khaRi thi Shayad yeh tamaasha mere hansne ke liye tha
Kuchh raat ka ehsaaN hai na suraj ka karam hai Guncha to bahar-haal bikasne ke liye tha
Us raah se guzra huN jahaN saaNs na de saath Har naqsh-e-kaf-e-paa mere dasne ke liye tha
Har qatra meri aaNkh se bahne ko to tha betaab Har zarra mere paaoN jhulasne ke liye tha

Ghubaar-e-tab’ mein thoRi bahut kami ho jaye

Image
Ghubaar-e-tab’ mein thoRi bahut kami ho jaye Tumhaara naam bhi sun lun to roushni ho jaye
Zara  khayaal karo! waqt  kis Qadar  kam hai MaiN jo Qadam bhi uThaluN woh aakhri ho jaye
QaymaateiN to  hameshaa guzartii rahtii haiN ‘azaab us ke liye  jis ko  aa-gahee  ho jaye
Guzar rahe haiN  mere raat din laRaayii meiN MaiN sochta huN K mujh ko shikast hi ho jaye
Ajeeb  shaksh hai!  tabdeeel hi nahii hotaa! Jo us ke saath rahe chand din, wohii ho jaye
Meraa naseeb  kinaaraa ho  yaa  samundar ho Jo hogayii hai to lahroN se dushmani ho jaye
Tamaam umr  to doori mein  kaT gayi merii!! Na jaane kya ho? agar  uss se dosti ho jaye
Bus aek waqt mein saari balaayeiN TooT paRiN Agar safar ye kaThin hai to raat bhi ho jaye
MaiN so na jauN, jo aasaaniyaaN muyassar hoN MaiN mar na jauN, agar khatm tishnagi ho jaye
Nahi zaroor,  K  ooNchii  ho aasmaanoN se!! Yehi bahut hai zamiiN paoN par khaRi ho jaye
Tamaam umr simaT aayi hai ek lamhay meiN MaiN chahta hun K hona hai jo abhi ho jaye
Wohi huN maiN! wo…

Siskiyaan Leti Hui GhamgeeN Hawao, Chup Raho

Image
Siskiyaan Leti Hui GhamgeeN Hawao, Chup Raho So Rahe Hain Dard, In Ko Mat Jagao, Chup Raho
Raat Ka Pat_thar Na Pighlega Shuaa’oN Ke Baghair Subaah Hone Tak Na Bolo Ham Nawao, Chup Raho
Band Hain Sab Mai Kaday, Saaqi Bane Hain Muhtasib Ae Garajtii Goonjti Kaali Ghataao,Chup Raho
Tum Ko Hai Maaloom Aakhir Koun Sa Mausam Hai Ye Fasl-e-Gul Aane Talak Ae Khushnawao, Chup Raho
Soch Ki Deewaar Se Lag Kar Hain Gham Baithay Hue Dil Mein Bhi Naghma Na Koi Gungunao, Chup Raho
ChhaT Gaye Haalaat Ke Baadal To Dekha JaayeGa Waqt Se Pehle Andhaire Mein Na Jao, Chup Raho
Kiyun Sharik-e-Gham Banate Ho Kisi Ko Ae ‘Qateel’ Apni Sooli Apne Kaandhe Per Uthaao, Chup Raho

Jo Khandani Raees Hote Hain Wo Lehja Naram Rakhte Hain

Image
Jo Khandani Raees Hote Hain Wo Lehja Naram Rakhte Hain
Tera Lehja Batata Hai Ye Dolat Nayi Nayi Hai

Kabhi Na Shaam Se Pehle, Kabhi Na Shaam K Baad

Image
Kabhi Na Shaam Se Pehle, Kabhi Na Shaam K Baad Humary Lub Nahi Khulte, Tumhare Naam K Baad
Tumhari Yaad Shab-O-Roz Hum Sanwarty Hain Humain Hai Kaam Na Koi Bhi, Ab Is Kaam K Baad
Pila Pila K Giraya Tha Aaj Saqi Ne Nazar Ne Jaam Hi Manga, Har Ek Jaam K Baad
Kuch Aise Log Bhi Aaty Hain Meri Mehfil Main Jo Daad To Dete Hain Magar, Ikhtataam K Baad
Taveel Behas Thi Dil Main Magar Ye Kya Khat Main Koi Bhi Lazfz Na Likha Gaya, Salaam K Baad
Wo Aik Shaam K Jis Main Juda Hue Aakif Kabhi Na Chain Se Soye Magar, Us Shaam K Baad.

Sochna Chor Bhi De Aye Dil-E-Nakaam Usy

Image
Sochna Chor Bhi De Aye Dil-E-Nakaam Usy Tere Siwa Bhi Hain Duniya Main Kayi Kaam Usy
Tu K Barbad Hai, Bad-Naam Hai, Gum-Naam Bhi Hai Chahte Hain Kayi Mash-Hoor Naik Naam Usy
Tu K Har Dor Ki Har Daur Main Nakaam Raha Aur Milte Hi Chale Aye Hain Inaam Usy
Teri Qabar Pe Tu Kutba Na Theher Paye Ga Acron Mil Gaye Hain Maqbary K Naam Usy
Teri Khushiyon Main Khush Tha Haye Afsos Magar Tere Gham Ka Na Raha Koi Ehtaraam Usy
Sambhal Dil Ko Asad Apne Aur Sakoon Se Phir KHUDA Pe Chor De, Karne De Us K Kaam Usy.

Us Zakhm-E-Jaan K Naam, Jo Ab Tak Nahi Bhara

Image
Us Zakhm-E-Jaan K Naam, Jo Ab Tak Nahi Bhara Us Zinda Dil K Naam, Jo Ab Tak Nahi Mara
Us Zindagi K Naam, Guzara Nahi Jise Us Qarz-E-Funn K Naam, Utara Nahi Jise
Ehal-E-Nazar K Naam, Jo Johar Shanaas Hain Ehal-E-Wafa K Naam, Jo Funn Ki Aas Hain
Un Doston K Naam, Jo Gosha Nasheen Hain Un Be-Hisson K Naam, Jo Baar-E-Zameen Hain
Un Ehal-E-Dil K Naam, Jo Raahon Ki Dhool Hain Un Hoslon K Naam, Jinhe Dukh Qabool Hain
Us Shol Rukh K Naam, K Roshan Hai Jis Se Raat Hai Zoofishaan Andhere Main, Har Nuqta-E-Qainaat
Aur Husn-E-Bakamaal Ki, Ra'naiyon K Naam Aur Apne Zehen-O-Qalb Ki, Tanhaiyon K Naam.

Kuch to tanhai ki raton main sahara hota,

Image
Kuch to tanhai ki raton main sahara hota, Tum na hote na sahi zikr tumhara hota,
Tark-e-duniya ka yeh daava hai fazool hai, Baar-e-hasti to zara sar se utara hota,
Woh agar aa na sake maut hi aayi hoti, Hijr main koi to gham-khvar hamara hota,
Zindagi kitni massarat se guzarti ya rab, Aish ki tarah agar gham bhi gavaara hota,
Azmat-e-girya ko kotah-nazzar kya samjhen, Ashk agar ashk na hota to sitara hota,
Gham-e-ulfat jo na milta gham-e-hasti milta, Kisi surat to zamane main guzara hota,
Kis ko fursat thi zamane ke sitam sehne ki, Gar na us shokh ki ankhon ka ishara hota,
Koi hamdard zamane main na paya akhtar, Dil ko hasrat hi rahi koi hamara hota..

aao kuch dair tazkara hi kar lein

Image
aao kuch dair tazkara hi kar lein
in dino ka jab tum hamare the

Ajab hai rang e chaman, jaa-ba-ja udaasi hai

Image
Ajab hai rang e chaman, jaa-ba-ja udaasi hai Mahek udaasi hai, baad-e-sabaa udaasi hai
Nahi nahi yeh bhala kis ne kah diya tumse MaiN thik thak hun, haaN bus zara udaasi hai
MaiN mubtila kabhi hota nahi udaasi mein MaiN wo hun jis mein K khud mubtila udaasi hai
Tabeeb ne koi tafseel to bataayi nahi Bahut jo poochhha to itna kaha udaasi hai
Gudaaz Qalb khushi se bhala kisi ko mila? Azeem wasf hi insaan ka udaasi hai
Shadeed dard ki rau hai ravaaN rag-e-jaaN mein Bala ka ranj hai be inteha udaasi hai
Firaaq mein bhi udaasi baRe kamaal ki thi Pas-e-visaal to us se siwaa udaasi hai
TumheN mile jo khazaane tumhein mubrak hoN Meri kamaayi to yeh be-bahaa udaasi hai
Chhupa rahi ho magar chhup nahi rahi meri jaaN Jhalak rahi hai jo zer-e-qaba udaasi hai
DimaaGh mujh ko kahaaN kaainaati mas’aloN ka Mera to sab se baRa mas’alaa udaasi hai
Falak hai sar pe udaasi ki tarah phaila hua ZameeN nahi mere zer-e-paa udaasi hai
Ghazal ke bhes mein aayi hai aaj mahram-e-dard Sukhan ki oRhe hue hai ridaa…

Wo dushman-E-jaN, jaan se pyaara bhi kabhi tha

Image
Wo dushman-E-jaN, jaan se pyaara bhi kabhi tha Ab kis se kahaiN, koii humaara bhi kabhi tha
Utra hai rag-O-pai mein to dil kaT sa gaya hai Yeh zehr-E-judaai K gawaara bhi kabhi tha
Har dost jahaN abr-E-gurezaaN ki tarah hai Ye shehar kabhi shehr humaara bhi kabhi tha
Titli ke ta’aaqub mein koi phool sa bachcha Aisaa hi koi khaab humaara bhi kabhi tha
Ab agle zamaane ke milen log toh puchheiN Jo haal humara hai tumhaara bhi kabhi tha?
Har bazm mein hum ne usay afsurda hi dekha kahte hain ‘Faraz’ anjuman-aara bhi kabhi tha

Rooh meiN le ke zamaanoN ki thakan aaye the ham

Image
Rooh meiN le ke zamaanoN ki thakan aaye the hum Raat yuN tha k sar e shahr e badan aaye the hum
Khush-libaasi thi jahaaN shart usi mehfil meiN Log kahte haiN tera hijr pahan aaye the hum
Yaad to hoga khili dhoop ke maanind ik roz Rauzan E jaaN se teri rooh meiN chhan aaye the hum
Teri aaNkhoN meiN kabhi aaye the hairat ki tarah Tere maathe pa’ kabhi misl e shikan aaye the hum
Tumko dekha to mili quwat e goyaayi hameiN Varna khaamosh the jab shahr e sukhan aaye the hum
Ye to accha hua jee khol ke roya wo hameiN Kaisa bacchoN ki tarah dhool meiN san aaye the hum
Usne kuchh aisa banaya tha ki bigre hue the Usne kuchh aisaa bigara tha ki ban aaye the hum

Ab Mehfil E Ghazal mein Ghazal aashna hai kaun?

Image
Ab Mehfil E Ghazal mein Ghazal aashna hai kaun? Maanaa K aek hum hain magar dusraa hai kaun?
Qaatil ne jab pukaara K ahl e wafaa hai kaun? Sab log jab khamosh rahe bol uTha hai kaun?
Tum apni anjuman ka zaraa jaayezaaH to lo Kahne ko to chiraagh bahut the, jala hai kaun?
Daa’va sukhan ka sab ko hai lekin tamaam umr Ek dushman e sukhan se mukhatib raha hai kaun?
Sab dekhte jidhar hain udha kya hai kuchh nahi Hum dekhte jidhar hain udhar dekhta hai kuan?
Tasveer e maikada meri ghazloN mein dekhiye Sanbhla raha hai kaun, nashe mein gira hai kaun?
Main ek naqsh e paa hun magar main bataunga Is raah se jo guzra hai woh qaafila hai kaun?
Sab dost aek ek kar ke mujhe chhoRte gaye Dushman bhi dang hai k ye tanha khaRa hai kaun?

Ghar bhi tera, gali bhi teri, shahr bhi tera
Jo chahe jis ko kah de tujhe rokta hai kaun?

‘Aajiz’ ye kis se baat karo ho ghazal mein tum?
Parda uThao, hum bhi to dekhien chhupa hai kaun?