Khuda urooj ko yun bhi zawaal deta hai

Khuda urooj ko yun bhi zawaal deta hai
Kushi ke sath hi ranj o malaal deta hai

Agarche tashnagi sehra mein dal deta hai
Chatan se bhi to jharne nikaal deta hai

Kabhi to naav dubo de wo laa ke sahil par
Kabhi bhnwar se safine nikaal deta hai

Kabhi ameer ko karde ghareeb pal bhar mein
Kabhi faqeer ko kasrat se maal deta hai

Bigaarh kar kabhi surat kisi tawangar ki
Kisi ghareeb ko husn o jamaal deta hai

Comments