Saaf jab tak na tere zehen k jalay hon gay

Saaf jab tak na tere zehen k jalay hon gay
Kese tehreer mohabbat k maqalay hon gay

Kya humain neend bhi aaye gi teri khuwahish par
Kya faqat khwab hi hum dekhne walay hon gay

Is tarah dasht e mohabbat se guzar jaon ga
Jism zakhmi na mere paon mein chaale hon gay

Kese ho gi meri chaht ki amanat mehfooz
Us ne ab tak mere khat kese sambhale hon gay

Ghar k andar bhi koi mujh pe tawajjah deta
Ghar k bahir to kayi chahne wale hon gay

Jab masihaai ki tareekh likhi jaye gi
Us mein shamil mere zakhmon k hawale hon gay

Comments