Wo Jab Se Shehr Kharabaat Ko Rawana Hua

Wo Jab Se Shehr Kharabaat Ko Rawana Hua 
Barah-E-Raast Mulaqaat Ko Zamana Hua

Wo Shehr Chorr Ke Jana To Kab Se Chahta Tha 
Ye Nokri Ka Bulawa To Ik Bahana Hua

Khuda Kare Teri Aankhein Hamesha Hansti Rahein 
Ye Aankhein Jin Ko Kabhi Dukh Ka Hosla Na Hua

Kinara-E-Sehan Chaman Sabz Bail Ke Niche 
Wo Rooz Subha Ka Milna To Ab Afsana Hua

Mein Soochti Hun Ke Mujh Me Kami Thi Kis Shey Ki? 
Ke Sab Ka Ho Ke Raha Wo Bas Ik Mera Na Hua

Kise Bulati Hain Aangan Ki Champai Shamein 
Ke Wo Ab Apne Naye Ghar Mein Bhi Purana Hua

Dhanak Ke Rang Mein Sari To Rang Li Mein Ne 
Aur Ab Ye Dukh Ke Pehan Kar Kise Dikhana Hua

Mein Apne Kaanon Mein Pehley Ke Phool Kion Pehnoon 
Zaban-E-Rang Se Kis Ko Mujhe Bulana Hua

Comments