aankhon me koi khwaab ubharta bhi kaha'n hai?

aankhon me koi khwaab ubharta bhi kaha'n hai
Ab chhat pe kabhi chaand utarta bhi kaha'n hai

Ankhon me dabe paaon chale aate hain sapne,
Ab aah mera dil kabhi bharta bhi kaha'n hai

Ek yaad hai arse se mere chain ka dushman,
Ek rang hai jo mujhme bikharta bhi kaha'n hai

Main uske fasaane ka hun gumnaan sa kirdaar,
Dar asl mujhe pyaar wo karta bhi kaha'n hai

Ab khaak bacha hai koi jeene ka bahana,
Wo shakhs bhi ziddi hai wo marta bhi kaha'n hai

Comments