Skip to main content

Zakhm jhele daagh bhi khaaye bahut,

Zakhm jhele daagh bhi khaaye bahut,
dil laga kar hum toh pachhtaaye bahut.

Jab na tab jagah se tum jaaya kiye,
hum toh apni or se aaye bahut.

Dair se su-e-haram aaya na tuk,
hum mizaaj apna idhar laaye bahut.

Phool gul shams-o-qamar saare hi the,
par humen un mein tumhin bhaaye bahut.

Gar buka iss shor se shab ko hai toh,
rowenge sone ko hum-saaye bahut.

Woh jo nikla subh jaise aaftaab,
rashk se gul phool murjhaaye bahut.

‘Meer’ se poochha jo main aashiq ho tum,
ho ke kuchh chupke se sharmaaye bahut.

Comments

Popular posts from this blog

Tu Shaheen Hai Basera Kar Paharon Ki Chatanon Mein

Zara Yaad Kar Mere Hum Nafaz Mera dil jo tum pe nisar tha

Ye Mumkin To Nahi Jo Dil Ne Chaha Tha Wo Mil Jaye murat and hayat