Na Shorish-E-Gham-E-Dauraan Na Khudsari Apni

Na Shorish-E-Gham-E-Dauraan Na Khudsari Apni......
Bahut Dinon Se Hai Gumsum Sukhanwari Apni......

Supurd-E-Aaina Karta Na Tha Woh Aqs Apna......
Usey Azeez Thi Kis Darja Dilbari Apni....

Yeh Dopahar Toh Dhaley Tujhko Raakh Hona Hai.....
Jataana Khaak Nasheenon Ko Bartari Apni......

Na Shauq-E-Khaana Badoshi Na Wus'aton Ki Hawas.....
Basa Gayi Hamein Sahra Mein Beghari Aapni.....

Ujaad Dil Yehi Chup Chup Sa Koh-E-Qaaf Apna...
Yahin Kahin Kabhi Rehti Thi Ek Pari Apni......

Usika Naksh Hai Ab Tak Mata-E-Jaan Mohsin.....
Hui Thi Jissey Mulaqaat Sarsari Apni.....

Comments