Lahoo sy Dil Kabhi Chehreay Ujaalny K Liye

Lahoo sy Dil Kabhi Chehreay Ujaalny K Liye
Mein Jee Raha Hon Andheron Ko Taalny K Liye

Utar Parey Hein Parindon K Ghoul Sahil Par
Safar K Bojh Samndar Mein Dalney K Liye

Sukhan Libaas Pay thehra Tou Jogiyon Ne Kaha
K Aasteen Hay Faqat Saanp Paalney K Liye

Men Sochta Hon Kabhi Men Bhi Kohkan Hota
Tere Wujood Ko Pathar Men Dhaalny K Liye

Kisay Khabar K Shabon K Wujood Lazim Hay
Fiza Men Chaand Sitarey Uchaalny K Liye

Baha Rahi Thi Who Sailaab Men Zehar Apna
Badan Ki Doobti Kashti Uchaalny K Liye

Woh Mahtab-e-Sift, Aaeina Jabeen "Mohsin"
Galay Mila Bhi Tou Matlab Nikaalny K Liye

Comments