Wo Jo Apnay Gham Par Bhi..Aankh Nam Nahi Kartay..

Barishon K Mausam Main
Woh Jo Apnay Kamray Ki..
Khirkiyun Ko Band Kar K..
Baadlon K Jaanay Ka..
Intezaar Kartay Hain..

Woh Bhi Ik Zamaanay Main..
Barishon Ki Boondon Say..
Kheltay Rahay Hon Ge!

Chaudaween Ki Raaton Main..
Jald Sonay Walon Ki..
Chandni Se Maazi Main..
Dosti Rahi Ho Gi!

Husn-O-Ishq Ki Batain..
Aj Wastay Jin K..
Kuch Wuq'aat Nahi Rakhtin..
Bhoolay Bisray Lamhon Main..
Toot Kar Kisi Ko Woh..
Chahtay Rahay Hon Gay!

Wo Jo Apnay Gham Par Bhi..
Aankh Nam Nahi Kartay..
Kal Kisi Ki Khaatir Woh..
Khoob Ro Chukay Hon Ge

Comments