TUMHEN SUB YAAD AYEGAKABHI JO MAIN NAHI HON GA

kabhi jab Main nahi honga
tumhen sub yad ayega
wo meri be karan chahat
tumharay naam ki adat
wo meray ishq ki shiddat
wisaal o hijr ki lazzat
tumhari har ada ko shayeri ka rung de dena
khud apni khwahishon ko be basi ka rung de dena

tumhen sub ayega
wo meri ankh ka num bhi
wafaon ka woh mausum bhi
junon khaizi ka alam bhi
meri har ek khushi , ghum bhi
mera wo muskura kar dard ko dil say laga laina
tumhari khwab si ankhon ka har ansoo chura laina

tumhen sub yaad ayega
tumhari soch me rehna
tumhari be rukhi sehna
bhula kar ranjishain sari
faqat " APNA " tumhen kehna
tumharay naam ko tasbeeh ki surat bana laina
tumharay zikr say dil ka har ek gosha saja laina
abhi to muskura kar tum meri baton ko sunti ho
magar yeh jaan lo JANA
TUMHEN SUB YAAD AYEGA
KABHI JO MAIN NAHI HON GA

Comments