Skip to main content

Wo shakhs kisi aur ki qismat mein likha tha!

Ewan-e-ghazal jis ki mohabbat mein likha tha,
Wo shakhs kisi aur ki qismat mein likha tha!

Har lamha mera kaatib-e-taqdeer ne shayad,
Zindaan-e-Shab-o-Roz ki wehshat mein likha tha!

Wo shaer kabhi uski nazar se nahi guzra,
Jo doob kar jazbaat ki shiddat mein likha tha!

Ab us k marasim hain meray dushman-e-jaan se,
Paimaan-e-wafa jis ki rafaqat mein likha tha!

Duniya mein to esay koi asaar nahi thay,
Shayad tera milna bhi qayamat mein likha tha!

Tu meray liye kesay badal sakta tha khud ko,
Harjaai hi rehna teri fitrat mein likha tha !!!

Comments

Popular posts from this blog

Tu Shaheen Hai Basera Kar Paharon Ki Chatanon Mein

Zara Yaad Kar Mere Hum Nafaz Mera dil jo tum pe nisar tha

Ye Mumkin To Nahi Jo Dil Ne Chaha Tha Wo Mil Jaye murat and hayat