Skip to main content

Mausam-e-karb-e-intizar bhi jhooot

Mausam-e-karb-e-intizar bhi jhooot
Dill na manay tu vasl-e-yaar bhi jhoot

Jhoot hay sab khizaan ka khamyaza
Aks-e-rang-e-rukh-e-bahar bhi jhoot

Maut, teri talab bhi laghzash-e-lab
Zindgy , tera aitibaar bhi jhoooot

Wos'at-e-daastaan-e-shauq , ghalat
Koshash-e-harf-e-ikhtsar bhi jhoot

Khalqat-e-shehr maslihat peshaaa
Warna farman-e-shehr-e-yaar bhi jhoot

Na rasae ko rastay mushkil !
Koor chashmi ko kohsaar bhi jhoot

Door say piyar ko sarab, chanab
Ahl-e-sehra ko aabshaar bhi jhoot

Dastras ka tlism hay warna
Sa'at-e-jabr-o-ikhtiyar bhi jhoot

Perahan khon-e-dill mein tar kar lo
Warna daman-e-taar taar bhi jhoot

Sirf uss ka safar hay sach MOHSIN
Meri raah bhi mera ghubar bhi jhooot

Comments

Popular posts from this blog

Tu Shaheen Hai Basera Kar Paharon Ki Chatanon Mein

Zara Yaad Kar Mere Hum Nafaz Mera dil jo tum pe nisar tha

Ye Mumkin To Nahi Jo Dil Ne Chaha Tha Wo Mil Jaye murat and hayat